ممنوعہ فنڈنگ کیس،عمران خان کی ضمانت میں اکتیس جنوری تک توسیع |
|
جمعرات 05 جنوری 2023ء | |
ممنوعہ فنڈنگ کیس میں عمران خان کی ضمانت قبل از گرفتاری سے متعلق کیس کی سماعت بینکنگ کورٹ کی جج رخشندہ شاہین نے کی،سماعت کے دوران عمران خان کے وکیل نے عمران خان کو پیشی سے دوہفتے کےلئے میڈیکل گرائونڈز پر وقت دینے کی درخواست کی جبکہ اسپیشل پراسیکیوٹر رضوان عباسی نے عمران خان کی ضمانت مسترد کرنے کی درخواست کی،اسپیشل پراسیکیوٹر کا کہنا تھا کہ عمران خان نومبر سے سیاسی معاملات چلا رہے ہیں مگر عدالت میں پیش ہونے سے گریزاں ہیں،انکی حاضری سے استثنیٰ کی درخواست مسترد کی جائے سپیشل پراسیکیوٹر کا کہنا تھا کہ ضمانتی مچلکوں کے علاوہ عمران خان نے کسی بھی عدالتی حکم پر عمل نہیں کیا نہ عدالت میں پیش ہوئے اور نہ ہی شامل تفتیش،اسلئے انکی ضمانت مسترد کی جائے |