وفاقی دارالحکومت کے مختلف سیکٹرز میں پلاٹس کی نیلامی چوبیس سے چھبیس جنوری تک ہوگی |
|
اتوار 01 جنوری 2023ء | |
وفاقی دارالحکومت کے مختلف سیکٹرز میں کمرشل،رہائشی پلاٹس کی نیلامی 24 سے 26 جنوری جناح کنونشن سنٹر میں ہوگی کیپیٹل ڈیویلپمنٹ اتھارٹی کےمطابق مختلف سائز کے کمرشل اور رہائشی پلاٹس کی نیلامی اور سرمایہ کاروں کی رہنمائی کے لئے ماہرین پر مشتمل نیلامی کمیٹی تشکیل دے دی گئی ہے،سی ڈی اے بورڈ کی حتمی منظوری کے بعد پہلی قسط کی ادائیگی کے بعد سرمایہ کار کو بلڈنگ پلان کی بھی منظوری دے دی جائے گی،ساتھ ساتھ پلاٹ کی مکمل ادائیگی پر تعمیر کی اجازت بھی دے دی جائیگی حکام کے مطابق سرمایہ کاروں کو یکمشت ادائیگی کی صورت میں دس فیصد تک رعائت دی جائے گی ،پلاٹس کی نیلامی 24 تا 26 جنوری صبح 10 بجے جناح کنونشن سینٹر اسلام آباد میں منعقد کی جائے گی حکام کے مطابق نیلامی کے لئے پیش کئے جانے والے پلاٹس کے اشتہار آن لائن خریدنے کی سہولت بھی سرمایہ کاروں کو فراہم کردی گئی ،بروشر کپیٹل ڈیولپمنٹ اتھارٹی کے ون ونڈو ڈائریکٹوریٹ کے علاوہ منتخب کردہ بنکوں کی برانچوں سے بھی حاصل کئے جاسکتے ہیں کیپیٹل ڈیویلپمنٹ اتھارٹی کے حکام کے مطابق نیلامی میں اسلام آباد کے ڈویلپڈ سیکٹر ای الیون، بلیو ایریا کمرشل، پارک انکلیو کمرشل، پارک انکیلو فیز ون اور ٹو، کلاس تھری شاپنگ سینٹر، اپارٹمنٹس، اکانومی فلیٹس، ایگرو فارمز، سکول پلاٹس، ہاسپٹل، انڈسٹریل کے علاوہ پیٹرول پمپس کے کمرشل پلاٹس بھی شامل ہیں |