رات دس بجے سے صبح گیارہ بجے تک پروازیں لاہور کی بجائے اسلام آباد لینڈ کریں گی |
|
بدھ 21 دسمبر 2022ء | |
لاہور ایئر پورٹ پر دھند اور حد نگاہ کم ہونے کا معاملہ،قومی ایئر لائن نے رات دس بجے سے صبح گیارہ تک تمام بین الاقوامی پروازوں کو اسلام آباد لینڈ کرنے کی ہدایت کردی، ترجمان پی آئی اے کے مطابق لاہور ایئر پورٹ پر حد نگاہ کم ہونے اور دھند کے باعث عارضی طور پر فلائٹ آپریشن رات دس بجے سے صبح گیارہ بجے تک اسلام آباد منتقل کیا ہے جس کا مقصد مسافروں کو مشکلات سے نجات دلانا ہے جبکہ جونہی صورتحال بہتر ہوگی،فلائٹ آپریشن معمول کے مطابق کر دیا جائے گا،لینڈنگ کے حوالے سے باضابطہ طور پر علمدرآمد رات سے شروع کردیا جائے گا |