اسلام اباد،سینیٹورس مال کو دوبارہ سیل کردیا گیا

جڑواں شہروں کا سب سے بڑا مال سینٹورس ایک بار پھر سیل کر دیا گیا، شاپنگ مال کو سی ڈی اے بلڈنگ قوانین کی خلاورزی پر سیل کیا گیا کیپیٹل ڈیویلپمنٹ اتھارٹی کے مطابق سی ڈی اے کے شعبہ بلڈنگ کنٹرول کی ٹیموں نے گزشتہ رات سینٹورس شاپنگ مال کو پانچ اور چھ دسمبر کی درمیانہ شب رات گئے سیل کیا،سینٹورس مال کو بلڈنگ ریگولیشنز کی خلاف ورزی پر سیل کیا گیا، سی ڈی اے حکام کے مطابق سینٹورس مال انتظامیہ نے عمارت کے بیسمنٹ اور پارکنگ میں بھی دفاتر قائم کررکھے ہیں، جس پرسینٹورس مال انتظامیہ کو متعدد نوٹسز دیئے گئے، نوٹسز کے باوجود مال انتظامیہ نے تجاوزات کو نہیں ہٹایا، جس کے بعد شاپنگ مال کو سیل کرنے کا فیصلہ کیا گیا سینٹورس مال کو اکتوبر 2022 میں آتشزدگی کے واقعے کے بعد بھی سیل کیا گیا تھا تاہم بعد ازیں اسے کھول دیا گیا تھا،واضح رہے کہ سینٹورس مال وزیر اعظم آزاد کشمیر تنویر الیاس کی ملکیت ہے