پولیس ملازمین کا چھٹیوں اور ٹرانسفرز کےلئے سفارش کا استعمال،آئی اسلام آباد کا نوٹس

اسلام آباد پولیس میں سیاسی اثر و رسوخ پر تعیناتیاں و تبادلے ہونے لگیں،آئی جی کا اظہار تشویش، سرکلر جاری کردیا تفصیلات کے مطابق آئی جی اسلام آباد نے پولیس ملازمین کی جانب سے چھٹیوں،ٹرانسفر پوسٹنگ اور دیگر کاموں کےکئےسفارشیں کرائے جانے پر نوٹس لے لیا ہےاور اثر و رسوخ استعمال کرنے پر تشویش کا اظہار کیا ہے،آئی جی اسلام آباد نے تمام پولیس افسران کو مراسلہ جاری کر دیا جس میں کہا گیا ہے کہ سرکاری معاملات پر پولیس ملازمین ماورائے محکمہ اثر و رسوخ استعمال کرتے ہیں،تعیناتیاں، چھٹیاں، اپیلوں پر سفارشیں کرانا پولیس رولز کی خلاف ورزی ہے، مراسلے میں واضح کیا گیا ہے کہ پولیس اہلکار تبادلوں، تعیناتیاں، اپیلوں پر سفارشیں کرائے گی تو محکمانہ کارروائی ہو گی،آئی جی اسلام آباد نے پولیس افسران کو سفارشی اہلکاروں کے خلاف تادیبی کارروائی کا بھی حکم دیدیا