خیبرپختونخواہ میں رواں سال اب تک 88 دہشتگرد مارے گئے ،آئی جی کے پی اختر حیات

انسپکٹر جنرل پولیس خیبرپختونخواہ اختر حیات خان کہتے ہیں صوبے میں رواں سال مختلف کارروائیوں میں 88 دہشت گرد مارے گئے جبکہ41 پولیس اہلکار شہید ہوئے۔ آئی جی پولیس کے پی اختر حیات خان نے نجی نیوز چینل سے گفتگو کے دوران کہا کہ دہشتگردوں کے خلاف مختلف کارروائیوں میں متعدد دہشت گردوں کو گرفتار کیا گیا ہے،جبکہ مارے گئے دہشت گردوں میں ہائی ویلیو ٹارگٹ بھی شامل تھے۔ جس کے بعد ڈیرہ اسماعیل خان اور ضم اضلاع میں امن و امان کی صورتحال بہت بہتر ہوئی ہے۔ آئی جی کے پی کا کہنا تھا کہ لکی مروت اور ٹانک میں دہشت گردوں کے خلاف انٹیلجنس بیسڈ آپریشنز جاری ہیں۔اور صوبے میں غیرملکیوں کی سیکیورٹی کو مزید سخت کیا ہے