صدر مملکت نے جسٹس مظاہر نقوی کو برطرف کرنے کی منظوری دے دی،نوٹیفیکشن جاری

صدر مملکت نے سپریم کورٹ کے سابق جج مظاہر علی اکبر نقوی کو برطرف کرنےکی منظوری دے دی، وزارت قانون نے مظاہر علی اکبر نقوی کی برطرفی کا نوٹی فکیشن جاری کردیا مظاہر علی اکبر نقوی کو سپریم جوڈیشل کونسل کی رائے کے نتیجے میں برطرف کیا گیا، وزارت قانون کی جانب سے جاری کیے گئے نوٹیفکیشن کے مطابق سپریم جوڈیشل کونسل نے مظاہر علی اکبر نقوی کو مس کنڈکٹ کا مرتکب قرار دیا،مظاہر علی اکبر نقوی کی برطرفی 10 جنوری 2024 سے ہوگی، وزارت قانون نے مظاہر علی اکبر نقوی کے استعفے کی منظوری کا 11 جنوری کا نوٹیفکیشن بھی واپس لے لیا،مظاہر علی اکبر نقوی کی برطرفی کا نوٹیفیکیشن تمام متعلقہ اداروں اور وزارتوں کو بھجوادیا گیا۔