مبینہ ٹوئٹ کا معاملہ،سینیٹر اعظم سواتی نے تمام مقدمات اسلام آباد منتقل کرنے کےلئے سپریم کورٹ سے رجوع کر لیا |
|
جمعرات 01 دسمبر 2022ء | |
سینیٹر اعظم سواتی نےمبینہ ٹوئیٹ پر درج مقدمات اسلام آباد منتقل کرنے کی درخواست سپریم کورٹ میں دائر کردی گئی سپریم کورٹ میں بابر اعوان کے توسط سے دائر کی گئی درخواست میں وفاق، ڈی جی ایف آئی اے، آئی جی سندھ اور آئی جی بلوچستان کو فریق بنایا گیا ہے، درخواست میں موقف اختیار کیا گیا ہے کہ ایف آئی اے نے اعظم سواتی کو جھوٹے مقدمہ میں گرفتار کیا، ایف آئی اے کے مقدمہ کے بعد ملک بھر میں اعظم سواتی کیخلاف کئی مقدمات درج ہوئے، اعظم سواتی کو ملک کے دیگر علاقوں میں کیسز میں پیش ہونے پر سیکورٹی خطرات ہیں، درخواست میں استدعا کی گئی ہے کہ اعظم سواتی پر درج تمام مقدمات کو اسلام آباد میں یکجا اور منتقل کیا جائے جبکہ درخواست میں کہا گیا ہے التواء کے دوران درج مقدمات پر آپریشن معطل کیا جائے |