انٹیلیجنس بیورو(آئی بی) کو ڈویژن کا درجہ دے دیا گیا |
|
پیر 19 فروری 2024ء | |
وفاقی حکومت نے انٹیلیجنس بیورو کو ڈویژن کا درجہ دے دیا ،نگران وزیراعظم انوار الحق کاکڑ نے منظوری دے دی تفصیلات کے مطابق آئی بی کو بیورو سے تبدیل کرکے ڈویژن کا سٹیٹس دیدیا گیا۔ڈی جی آئی بی فواد اسد اللہ کی خصوصی کاوش کے باعث سٹیٹس تبدیل کرنے کی منظوری دی گئی ۔ وزیراعظم کی منظوری کے بعد انٹیلیجنس بیورو ڈویژن میں تبدیل کردیا گیا ۔انتظامی اور مالی معاملات بہتر بنانے کیلئے فیصلہ کیا گیا ۔وزیراعظم کی منظوری کے بعد کابینہ ڈویژن نے احکامات جاری کردیئے ۔ سٹیٹس میں تبدیلی کے بعد ڈی جی آئی بی ڈویژن کے ایکس آفیشو سیکرٹری کے طور پر خدمات سرانجام دیں گے ۔سٹیٹس تبدیل کرنے کے احکامات کا فوری طور پر نافذ کیا گیا ہے |