انتخابات میں تاخیر کے زمہ داران کے خلاف کارروائی کا معاملہ،سپریم کورٹ نے درخواست غیر موثر قرار دے دی |
|
جمعرات 11 جنوری 2024ء | |
سپریم کورٹ نے پنجاب اور خیبرپختونخواہ کے انتخابات میں تاخیر کے ذمہ داران کیخلاف کارروائی سے متعلق ظفر علی شاہ کی درخواست غیرموثر ہونے پر نمٹا دی چیف جسٹس قاضی فائز عیسی کی سربراہی میں تین رکنی بنچ نے پنجاب اور خیبرپختونخواہ کے انتخابات میں تاخیر کے ذمہ داران کیخلاف کارروائی سے متعلق ظفر علی شاہ کی درخواست پر سماعت کی، چیف جسٹس نے درخواست گزار کو مخاطب کرتے ہوئے کہا اب تو انتخابات کی تاریخ آچکی ہے ہم کیسے آپکی درخواست سنیں، انتخابات سے متعلق تمام مقدمات ترجیجی بنیادوں پر سن رہے ہیں،کیا آپ انتخابات نہیں چاہتے؟ ظفر علی شاہ نے جواب دیا میں انتخابات چاہتا ہوں مگر جو لوگ تاریخ کے ذمہ دار ہیں انکے خلاف کارروائی ہونی چاہیے، پنجاب اور کے پی میں انتخابات نہ کرانے والوں کیخلاف کارروائی ہونی چاہیے، جسٹس محمد علی مظہرنے کہا ہمارے سامنے کسی کیخلاف کاروائی کی درخواست ہی نہیں تو کیسے حکم دے دیں، چیف جسٹس نے ریمارکس دیئے آپ کی درخواست وقت پر مقرر نہ ہونے کا ذمہ دار ادارہ ہوسکتا ہے میں نہیں،عدالت نے کہا 8 فروری کو انتخابات کی تاریخ کے بعد موجودہ درخواست غیر موثر ہوچکی ہے،عدالت نے ظفر علی شاہ کی درخواست غیر موثر ہونے پر نمٹادی۔ |