توشہ خانہ کیس،بانی پی ٹی آئی کو جوڈیشل ریمانڈ پر جیل بھجوا دیا گیا

احتساب عدالت اسلام آباد نے توشہ خانہ کیس میں سابق چیئرمین پی ٹی آئی کو جوڈیشل ریمانڈ پر بھیج دیا اسلام آباد کی احتساب عدالت کے جج محمد بشیر نے اڈیالہ جیل میں سابق چیئرمین پی ٹی آئی کے خلاف توشہ خانہ کیس کی سماعت کی سابق چیئرمین پی ٹی آئی کو دو روزہ جسمانی ریمانڈ مکمل ہونے پر عدالت میں پیش کیا گیا۔دوران سماعت نیب نے سابق چیئرمین پی ٹی آئی کے جسمانی ریمانڈ کی استدعا کی اور مزید تین روز کا ریمانڈ مانگا۔ عدالت نے نیب کی جسمانی ریمانڈ کی استدعا مسترد کرتے ہوئے سابق چیئرمین پی ٹی کو جوڈیشل ریمانڈ پر بھیج دیا۔