عام انتخابات کا معاملہ،سپریم کورٹ نے لاہور ہائیکورٹ کا فیصلہ کالعدم قرار دینے کا تحریری حکمنامہ جاری کردیا

عام انتخابات معاملہ، سپریم کورٹ نے لاہور ہائیکورٹ کے فیصلے کے خلاف الیکشن کمیشن کی درخواست پر سماعت کا 6 صفحات پر مشتمل تحریری حکم نامہ جاری کر دیا سپریم کورٹ نے بیرسٹر عمیر نیازی کو نوٹس جاری کرکے وضاحت مانگ لی، عدالت نے کہا کیوں نہ آپ کیخلاف توہین عدالت کی کارروائی کی جائے،سپریم کورٹ کا حکم واضح تھا کہ کوئی بھی جمہوری عمل میں خلل نہیں ڈالے گا،عمیر نیازی بظاہر جمہوری عمل ڈی ریل کرنے کی کوشش کے مرتکب ہوئے، ہائی کورٹ نے 2753 ڈی آر اوز، آر اوز اور اے آر اوز کا کام روک دیا،لاہور ہائی کورٹ نے ایک جنبش قلم سے انتخابی عمل کو ڈی ریل کر دیا،ڈی آر اوز اور آر اوز کو خاص طور پر انتخابات کیلئے تعینات نہیں کیا گیا،تعینات کیے گئے افسران پہلے سے ہی بطور انتظامی افسر فرائض انجام دے رہے ہیں،لاہور ہائی کورٹ کا فیصلہ معطل کیا جاتا ہے، عدالت نے لاہور ہائی کورٹ کو درخواست پر مزید کارروائی سے بھی روک دیا، عدالت نے وفاقی حکومت،اٹارنی جنرل، اسلام آباد اور تمام صوبوں کے ایڈووکیٹ جنرلز کو نوٹس جاری کر دیئے۔ کیس کی سماعت موسم سرما کی تعطیلات کے بعد ہوگی۔