ٹانک،پولیس لائنز پر دہشتگردوں کا حملہ ناکام،5دہشتگرد مارے گئے،3 پولیس اہلکار شہید |
|
| جمعه 15 دسمبر 2023ء | |
 |
|
خودکش بمبار سمیت پانچ دہشت گردوں کا ٹانک سٹی میں پولیس لائنز پر حملہ، سیکیورٹی پر مامور پولیس اہلکاروں کی سخت مزاحمت، سیکورٹی فورسز کا پولیس فورس کے ہمراہ موثر جوابی آپریشن، تمام 5 دہشت گرد مارے گئے، تین پولیس اہلکار بہادری سے لڑتے ہوئے شہید،، *آئی ایس پی آر کے مطابق* ایک خودکش بمبار سمیت پانچ دہشت گردوں نے ٹانک سٹی میں پولیس لائنز پر حملہ کیا، تاہم سیکیورٹی پر مامور بہادر پولیس اہلکاروں نے سخت مزاحمت کی، علاقے میں موجود دیگر سیکورٹی فورسز کے اہلکار بھی فوری پولیس فورس کی مدد کے لئے پہنچے اور موثر جوابی آپریشن میں تمام 5 دہشت گرد مارے گئے، تاہم دہشت گردوں کے ساتھ شدید فائرنگ کے تبادلے کے دوران تین پولیس اہلکار بہادری سے لڑتے ہوئے شہید ہوگئے، ترجمان کے مطابق پولیس اہلکاروں کا موثر جواب دہشت گردی کے خلاف جنگ میں ان کے غیر متزلزل عزم کا منہ بولتا ثبوت ہے، سیکیورٹی فورسز ملک میں امن و استحکام کو یقینی بنانے کے لئے دیگر قانون نافذ کرنے والے اداروں کے ساتھ کندھے سے کندھا ملا کر کھڑی ہیں،، |
