نگراں وفاقی کابینہ میں سیاسی افراد کی شمولیت ،الیکشن کمیشن کا اظہار تشویش،وزیراعظم کے پرنسپل سیکرٹری کو مراسلہ لکھ دیا

الیکشن کمیشن کا وفاقی کابینہ میں سیاسی افراد کی شمولیت پر تشویش کا اظہار، وفاقی کابینہ میں سیاسی افراد کی شمولیت پر سیکریٹری نگراں وزیر اعظم توقیر شاہ کو خط لکھ دیا سپیشل سیکریٹری الیکشن کمیشن ظفر اقبال کی طرف سے لکھے گئے خط میں کہا گیا ہے کہ ایسا تاثر جارہا ہے کہ نگراں حکومت سابقہ حکومت کا تسلسل ہے،ایک سیاسی جماعت کی جانب سے حالیہ پریس کانفرنس میں اس طرف نشاندہی کی گئی، انھوں نے نگراں حکومت پر الزام لگایا کہ وہ سابقہ سیاسی کی وراثت لیکر چل رہی ہے، خط میں کہا گیا ہے کہ کابینہ ارکان کا تقرر کرتے وقت ان افراد سے اجتناب کیا جائے جن کی سیاسی وابسطگی ہو،سینیر سول سرونسٹس کو بھی اہم عہدوں پر تقرر کرتے ہوئے بھی غیر جانبداری کے اصول کو مدنظر رکھا جائے،نگران حکومت کے اقدامات سے ان کی غیر جانبداری نظر آنی چاہیے،