نامزد چیف جسٹس پاکستان جسٹس قاضی فائز عیسیٰ کا جڑانوالہ کا دورہ ،متاثرین سے ملاقات |
|
| هفته 19 اگست 2023ء | |
 |
|
سپریم کورٹ کے نامزد چیف جسٹس پاکستان جسٹس قاضی فائز عیسیٰ نے جڑانوالہ کا دورہ کیا۔متاثرہ گھروں اور گرجاگروں کی صورتحال کا جائزہ لیا تفصیلات کے مطابق سپریم کورٹ آف پاکستان کے سنیئر ترین جج اور نامزد چیف جسٹس آف پاکستان جسٹس قاضی فائز عیسیٰ نے جڑانوالہ میں کرسچین کالونی کا دورہ کیا،دورے کے دوران انہوں نے سانحہ میں متاثر مکانات اورگرجا گھروں کی صورتحال کا جائزہ لیا۔ جسٹس قاضی فائز عیسیٰ نے جڑانوالہ کے سانحہ کے متاثرین سے بھی ملاقات کی جب کہ اس موقع پر ان کی اہلیہ بھی ان کے ہمراہ تھیں۔ صورتحال کا جائزہ لینے کے بعدجسٹس قاضی فائز عیسیٰ نے ڈپٹی کمشنر پر ناراضی کا اظہار کرتے ہوئے کہا کہ واقعےکو 3 دن گزرگئے لیکن متاثرہ گلیاں تاحال صاف نہیں کی گئیں۔نامزد چیف جسٹس نے ڈپٹی کمشنر کو کرسچین کالونی کی گلیاں فوری صاف کرانے کی بھی ہدایات دیں۔ جسٹس قاضی فائز عیسیٰ نے دانش اسکول میں متاثرین سے ملاقات کی جس کے بعد جسٹس قاضی فائز عیسیٰ وہاں سے روانہ ہوگئے |
