خیبر کی تحصیل باڑہ میں دہشتگردوں کا حملہ سیکیورٹی فورسز نے ناکام بنادیا،چار شہید، آٹھ افراد زخمی

ضلع خیبر کی تحصیل باڑہ میں کمپاونڈ کے مرکزی گیٹ پر خودکش دھماکے کے نتیجے میں شہید ہونے والے افراد کی تعداد 4 ہوگئی، 8 افراد زخمی تفصیلات کے مطابق ریسکیو حکام نے سرچ آپریشن کے دوران ملبے کے نیچے سے ایک اور شخص کی لاش نکال لی جبکہ اسپتال میں بھی شدید زخمی اہلکار شہید ہوگیا۔ ترجمان خیبر پولیس کے مطابق دھماکے میں شہید ہونے والے دو پولیس اہلکاروں میں نور بہادر اور طیب شامل ہیں۔ حملے کے بعد سیکیورٹی ٹیموں نے جوابی کارروائی کی اور دونوں جانب سے شدید فائرنگ کا سلسلہ جاری رہا جبکہ پولیس کی مزید نفری اور ریسکیو ٹیمیں موقع پر موجود رہیں۔ پولیس حکام کے مطابق کہ باڑہ تحصیل پر دو خودکش حملہ آوروں نے گھسنے کی کوشش کی لیکن فوری جوابی کارروائی سے حملہ آوروں کو مار دیا گیا، برقت کارروائی سے حملہ ناکام بنایا گیا۔ ریسکیو حکام کے مطابق زخمیوں میں پولیس اہلکار بھی شامل ہیں جو تحصیل کمپاونڈ آفس کے مین گیٹ پر تعینات تھے۔ ریسکیو 1122 نے 2 زخمیوں کو طبی امداد فراہم کی جن میں سے ایک شدید زخمی کو ایچ ایم سی علاج کے روانہ کر دیا گیا