سپریم کورٹ نے قومی ایئرلائن کو دو سو پانچ پروفیشنل افراد بھرتی کرنے کی اجازت دے دی

جسٹس اعجاز الااحسن کی سربراہی میں دو رکنی بینچ نے کیس کی سماعت کی،جسٹس عائشہ ملک نے کہاپی آئی اے اپنے واجبات ادا نہیں کر پا رہا ہے،پی آئی اے کو مزید بھرتیاں کس لیے کرنی ہیں؟ جسٹس اعجاز الاحسن نے ریمارکس دیئے پی آئی آے کی سروسز کا معیار اپ ٹو مارک نہیں،نئی بھرتیوں سے ادارے پر ماہانہ 9 کروڑ سے زائد کا بوجھ پڑے گا،دیگر ائیر لائنز کا فلائٹ اسٹاف تو کم ہوتا ہے،یہ بھرتیاں کس بنیاد پر ہوں گی؟بھرتیاں مستقل بنیادوں پر ہوگی یا کنٹریکٹ پر؟سی ای او پی آئی اے نے جواب دیابھرتیاں ایک سال کے قابل توسیع کنٹریکٹ کی بنیاد ہر ہوں گی، پی آئی اے کو پاوں پر کھڑا کرنے کیلئے پلان بنایا ہے،قومی ائیر لائن کا گذشتہ چھ ماہ کا نفع 3 ارب روپے ہے، عدالت نے پی آئی اے کو نئی 205 پروفیشنل بھرتیوں کی اجازت دے دی اور مزید 45 نشتوں پر بھرتیوں کا معاملہ موخر کردیا، عدالت نے پی آئی اے انتظامیہ کو بھرتیوں کا عمل صاف شفاف بنانے کی ہدایت کردی، پی آئی اے کی جانب سے پائلیٹس، کیبن کریو، آئی ٹی ماہرین، فنانس اور مینیجمنٹ سائیڈ پر 250 بھرتیوں کی اجازت دینے کی استدعا کی گئی تھی۔