لطیف کھوسہ کے گھر فائرنگ کا ڈراپ سین،ملزم گرفتار

لاہور میں ڈی آئی جی انویسٹی گیشن کامران عادل نےمیڈیا نمائندوں سے گفتگو کرتے ہوئے کہا کہ ایڈووکیٹ سپریم کورٹ لطیف کھوسہ کے گھر پر فائرنگ کا معاملہ حل کرلیا گیا ہے ، سی آئی اے ماڈل ٹاؤن نے کارروائی کرکے فائرنگ میں ملوث سابقہ ریکارڈ یافتہ اور پیشہ ور شوٹر محسن عرف لمبا کو گرفتار کرلیا ہے،جس نے بتایا ہے کہ اس نے ایک سیاسی جماعت کے رہنما زبیر خان نیازی کے کہنے پر اپنے ساتھی کے ساتھ لطیف کھوسہ کے گھر فائرنگ کی، دس لاکھ روپے میں معاوضہ طے ہوا، ملزم کے مطابق اس نے ایک لاکھ روپے ایڈوانس وصول بھی کیا ڈی آئی جی کا کہنا تھا کہ ملزم بھی سیاسی جماعت کا کارکن ہے اور جلسے /جلوسوں میں زبیرخان نیازی سے تعلق قائم ہوا، ملزم کے مطابق اس کے بعد معاہدے کے تحت اس نے ایڈووکیٹ سپریم کورٹ اعتراز احسن کے گھر پر بھی فائرنگ کرنا تھی۔ پولیس حکام کے مطابق ملزم سنگین جرائم، اقدام قتل، بھتہ خوری، ڈکیتی اور لوگوں کے گھروں پر فائرنگ کے مقدمات کا سابقہ ریکارڈ یافتہ اور تھانہ ملت پارک کے اقدام قتل کے مقدمہ کا مفرور اشتہاری بھی ہے۔