بنوں،جانی خیل میں سیکیورٹی فورسز کا آپریشن ،دو دہشتگرد ہلاک

آئی ایس پی آر کے مطابق جانی خیل میں آپریشن کے دوران سیکیورٹی فورسز اور دہشتگردوں کے درمیان فائرنگ کا شدید تبادلہ ہوا جس کے نتیجے میں دو دہشتگرد مارے گئے جن سے بھاری مقدار میں اسلحہ اور بارود بر آمد کیا گیا دہشتگرد سیکیورٹی فورسز اور عام شہریوں پر حملوں میں ملوث تھے، آئی ایس پی آر کے مطابق مقامی لوگوں نے سیکیورٹی فورسز کے آپریشن کو سراہا اور دہشت گردی کی لعنت کو ختم کرنے میں اپنے مکمل تعاون کا یقین دلایا