اسلام آباد ہائیکورٹ نےعمران خان کے خلاف ایف آئی اے اور پولیس سے مقدمات کی تفصیلات طلب کر لیں

چیف جسٹس اسلام آباد ہائیکورٹ جسٹس عامر فاروق نے عمران خان کی مقدمات کی تفصیلات کی فراہمی کے حوالے سے درخواست پرسماعت کی، چیف جسٹس اسلام آباد ہائیکورٹ جسٹس عامر فاروق نے عمران خان کے وکیل فیصل چوہدری سےکہا کہ آپ نے درخواست کر رکھی ہے کہ غیرقانونی گرفتاری روکیں، آپ کی درخواست منظور کروں تو آپ کے موکل گرفتار ہونگے، کیا میں کہہ دوں غیرقانونی نہیں تو قانونی گرفتار کرلیں؟ چیف جسٹس اسلام آباد ہائیکورٹ نےعمران خان کے وکیل فیصل چوہدری سے مکالمہ کیا کہ اپنے موکل کے ساتھ ایسانہ کریں، میں صرف اس عدالت کے دائرہ اختیار تک احکامات جاری کرسکتا ہوں۔ وکیل فیصل چوہدری نے اپنے دلائل میں کہا کہ ماضی میں مذکورہ عدالت نے نوازشریف کی صحت کی ضمانت مانگی تھی، جس پر عدالت نے کہا کہ میں کسی ایسی چیز میں نہیں جانا چاہتا، بائی بک ہی چلتا ہوں۔ بعد ازیں عدالت نے ایف آئی اے اور اسلام آباد پولیس کی حد تک تفصیلات طلب کرتے ہوئے کل تک عمران مقدمات کی تفصیلات فراہم کرنے کا حکم دیا۔اور کیس پر مزید سماعت کل تک ملتوی کردی