ارشد شریف قتل کیس،سپریم کورٹ کے حکم پر نئی جے آئی ٹی تشکیل،پولیس،ایف آئی اے،آئی بی،ایم آئی اور آئی ایس آئی کے افسران شامل |
|
جمعرات 08 دسمبر 2022ء | |
وفاقی حکومت نےارشد شریف قتل کی تحقیقات کے لیے سپریم کورٹ کے حکم پر اسپیشل جے آئی ٹی تشکیل دے دی سپریم کورٹ میں ارشد شریف قتل کیس سے متعلق ازخود نوٹس کی سماعت کے دوران ایڈیشنل اٹارنی جنرل عامر رحمان نے عدالت کے حکم پر نئی جے آئی ٹی کے نام عدالت میں پیش کئے،عدالت کے حکم پر قائم خصوصی تحقیقاتی ٹیم میں ڈی آئی جی اسلام آباد اویس احمد ڈائریکٹر سائبر کرائم ایف آئی اے وقارالدین سید بھی شامل ہیں۔ سپریم کورٹ کے حکم پر تشکیل دی گئی جے آئی ٹی میں آئی بی سے ساجد کیانی ،ایم آئی سے مرتضی افضل اور آئی ایس آئی سے محمد اسلم کو بھی اسپیشل جے آئی ٹی کا رکن بنایا گیا ہے، واضح رہے کہ گزشتہ روز چیف جسٹس پاکستان عمر عطا بندیال نے وفاقی حکومت کی جانب بنائی گئی جے آئی ٹی کو مسترد کرتے ہوئے نئی اسپیشل جے آئی ٹی تشکیل دینے کا حکم دیا تھا۔ |