سلمان شہباز کی وطن واپسی،ضمانت کےلئے عدالت سے رجوع کر لیا گیا

وزیراعظم شہباز شریف کے صاحبزادے سلمان شہباز کا پاکستان واپس آنے کا فیصلہ،سلمان شہباز نے اسلام آباد ہائیکورٹ میں حفاظتی ضمانت کی درخواست دائر کر دی تفصیلات کے مطابق سلمان شہباز نے استدعا کی ہے کہ پاکستان واپس آ کر اپنے خلاف مقدمہ میں متعلقہ عدالت کے سامنے پیش ہونا چاہتا ہوں،اسلام آباد ہائیکورٹ حفاظتی ضمانت منظور کر کے متعلقہ عدالت میں پیش ہونے کا موقع دے، درخواست سلمان شہباز کے وکیل امجد پرویز کے ذریعے اسلام آباد ہائی کورٹ میں دائر کی گئی ہے جس میں وفاقی حکومت،ایف آئی اے کو فریق بنایا گیا ہے