وزیراعظم شہباز شریف نے روس کے صدر کو دورہ پاکستان کی دعوت دے دی

پاکستان میں متعین روس کے سفیر کی وزیراعظم شہباز شریف نے ملاقات،توانائی، تجارت اور سرمایہ کاری میں دوطرفہ تعاون بڑھانے پر تبادلہ خیال،وزیراعظم نے روسی صدر کو پاکستان کے دورے کی دعوت دے دی روس کے سفیر نے وزیراعظم شہباز شریف سے ملاقات کی ترجمان کے مطابق ملاقات کے دوران وزیراعظم شہباز شریف نے پاکستانی ہم منصبوں کے ساتھ بات چیت کے لیے ایک وفد پاکستان بھیجنے پر زور دیا تاکہ دونوں ممالک کے درمیان تجارتی اور سرمایہ کاری کے تعلقات کو بڑھانے کے طریقوں کی نشاندہی کی جا سکے۔ ملاقات میں روسی سفیر نے اس عزم کا اظہار کیا کہ روس پاکستان کے ساتھ مضبوط تعلقات استوار کرنا چاہتا ہے۔ ملاقات کے دوران روسی سفیر کا کہنا تھا کہ توانائی، تجارت اور سرمایہ کاری کے علاوہ روس تعلیم اور ثقافت میں بھی تعاون بڑھانے کا خواہاں ہے وزیراعظم شہباز شریف نے روسی صدر پیوٹن کو پاکستان کے دورے کی دعوت بھی دی