پی ٹی آئی لانگ مارچ پر حملے کا خدشہ،وزارت داخلہ نے اسد عمر کو مراسلہ لکھ دیا

پاکستان تحریک انصاف کے لانگ مارچ اور احتجاج پر دہشت گرد حملے کا خدشہ،وزارت داخلہ نے سیکرٹری جنرل اسد عمر کو مراسلہ لکھ دیا،راولپنڈی میں عوامی اجتماع موخر کرنے کی درخواست وزارت داخلہ کی طرف سے اسد عمر کو لکھے گئے مراسلے میں ملک میں حالیہ دہشت گردی کے واقعات بالخصوص وزیر آباد میں لانگ مارچ پرحملے کا حوالہ دیا گیا ہے اور اس خدشے کا اظہار کیا گیا ہے کہ انتہا پسند جماعتیں پی ٹی آئی لانگ مارچ پر دہشت گرد حملہ کر سکتی ہیں، مراسلے میں بیرونی عناصر کی طرف سے حملے میں ملوث ہونے کے خدشے کا بھی اظہار کیا گیا ہے اور کہا گیا ہے کہ عوامی اجتماعات کو نشانہ بنایا جا سکتا ہے،خود کش حملے سمیت دیگر آپشن استعمال کئے جا سکتے ہیں،اسلئے پی ٹی آئی راولپنڈی میں عوامی اجتماع موخر کر دے