میران شاہ میں شہید ہونے والے تین سیکیورٹی اہلکاروں کی نماز جنازہ ادا کر دی گئی

آئی ایس پی آر کے مطابق شمالی وزیرستان کے علاقے میران شاہ میں دہشت گردوں کے ساتھ بہادری سے لڑتے ہوئے شہید ہونے والے تین اہلکاروں کی نماز جنازہ آبائی علاقوں میں ادا کردی گئی، لکی مروت کے صوبیدار اصغر علی شہید، لکی مروت کے سپاہی نسیم خان اور ایبٹ آباد کے سپاہی محمد زمان کو نماز جنازہ کے بعد پورے فوجی اعزاز کے ساتھ ان کے آبائی علاقوں میں سپرد خاک کر دیا گیا، نماز جنازہ میں حاضر سروس اور ریٹائرڈ افسران اور سپاہیوں، رشتہ داروں اور لوگوں کی بڑی تعداد نے شرکت کی، ترجمان کے مطابق پاک فوج مادر وطن کے دفاع کو ہر قیمت پر یقینی بنانے کے لئے پرعزم ہے،،