خدیجہ شاہ تک قونصلررسائی کی امریکی درخواست وزارت داخلہ کو بھجوا دی،ترجمان دفتر خارجہ |
|
جمعرات 08 جون 2023ء | |
ترجمان دفترخارجہ ممتاز زہرا بلوچ نے ہفتہ وار میڈیا بریفنگ میں کہا کہ خدیجہ شاہ کی دہری شہریت کی وجہ سے امریکی سفارتخانے نے قونصلر رسائی کی درخواست کی ہے جو وزارت داخلہ کو بھجوا دی گئی ہے ، ترجمان دفتر خارجہ ممتاز زہرا بلوچ کا کہنا تھا کہ 9 مئی کے واقعات میں ملوث کرداروں کے ساتھ آئین اور قانون کے مطابق سلوک کیا جا رہا ہے۔ پاکستان کا سارا نظام ایک آئین اور قانون کے تحت ہے اور پاکستان میں تمام شہریوں کو بنیادی حقوق حاصل ہیں۔پاکستان پر انسانی حقوق کی خلاف ورزیوں کے الزامات بالکل بےبنیاد ہیں۔ دفترخارجہ کی ترجمان کا کہناتھا کہ انسداد دہشتگردی پر پاکستان ، چین اور ایران کے سہ فریقی مذاکرات ہورہے ہیں۔ بیجنگ میں ہونے والے مذاکرات میں پاکستانی وفد کی قیادت ڈی جی کاؤنٹر ٹیررازم کررہے ہیں۔ ترجمان دفتر خارجہ کا کہنا تھا کہ کشمیر میں بھارتی افواج کا ظلم و ستم جاری ہے۔ عالمی برادری سے ایک بار پھر مسئلہ کشمیر کو اقوام متحدہ کی قراردادوں کے مطابق حل کرنے کا مطالبہ کرتے ہیں۔ |