صوبے جیلوں کے حوالے سے رپورٹس متعلقہ ہائی کورٹس کو دیں،سپریم کورٹ |
|
منگل 23 مئی 2023ء | |
چیف جسٹس کی سربراہی میں تین رکنی بینچ نے کیس کی سماعت کی، چیف جسٹس نے ریمارکس دیے جیلوں کے حالات کچھ اچھے نہیں ہے، جیلوں میں حد سے زیادہ قیدی رکھے گٸے ہیں،چیف جسٹس پشاور ہائی کورٹ نے صوبے کی جیلوں کا دورہ کیا، اسلام آباد میں جیل کا کئی سالوں سے بننے کا سن رہے ہیں، اڈیالہ جیل میں بھی حد سے زیادہ قیدی ہیں، اچھی بات یہ ہے کہ اڈیالہ جیل میں صفائی کا بہتر نظام ہے، جسٹس اطہر من اللہ نے ریمارکس میں کہا جیلوں میں بنیادی چیزوں پر بھی عملدرآمد نہیں ہو رہا، صوبائی حکومتوں کو متحرک کرنا ہوگا، یہ صوباٸی معاملہ ہے ، مزید جائزہ کیلٸے صوبائی ہائی کورٹس کو بھجوا دیتے ہیں،عدالت نے صوبائی حکومتوں کو جیلوں کی حالت زار سے متعلق تفصیلات متعلقہ ہائی کورٹس بھجوانے کا حکم دیتے ہوئے کہا متعلقہ ہاٸی کورٹس جائزہ لے کر مزید احکامات جاری کریں۔ |