ٹانک میں سیکیورٹی فورسز کی کارروائی ،تین دہشتگرد ہلاک |
|
هفته 20 مئی 2023ء | |
آئی ایس پی آر کے مطابق سیکیورٹی فورسز نے دہشت گردوں کی موجودگی کی اطلاعات پر ٹانک کے نواحی علاقے میں انٹیلی جنس بیسڈ آپریشن کیا، آپریشن کے دوران سیکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس کے نتیجے میں 3 دہشت گرد مارے گئے، مارے گئے دہشت گرد سیکورٹی فورسز پر حملوں سمیت معصوم شہریوں کے خلاف دہشت گردی کی متعدد کارروائیوں میں ملوث تھے، شدید فائرنگ کے تبادلے کے دوران، چکوال کے 39 سالہ نائیک محمد عتیق اور اٹک کے 36 سالہ نائیک رجب علی بہادری سے لڑتے ہوئے شہید ہوگئے، علاقے میں ممکنہ دہشت گردوں کو ختم کرنے کے لئے آپریشن بھی کیا گیا، سیکیورٹی فورسز دہشت گردی کی لعنت کے خاتمے کے لئے پرعزم ہیں اور بہادر سپاہیوں کی یہ قربانیاں ہمارے عزم کو مزید مضبوط کرتی ہیں،، |