جی ایچ کیو پر حملہ،پی ٹی آئی کے کارکنوں کے خلاف مقدمہ درج |
|
بدھ 10 مئی 2023ء | |
تفصیلات کے مطابق تھانہ آر اے بازار راولپنڈی میں درج مقدمے میں سابق صوبائی وزیر راجہ بشارت سمیت پندرہ کارکنوں کو نامزد کیا گیا ہے،پولیس کی مدعیت میں درج مقدمے میں کہا گیا ہے کہ سابق صوبائی وزیر کے اکسانے پر کارکنوں نے جی ایچ کیو کے گیٹ نمبر ایک پر حملہ کیا اور توڑ پھوڑ کہ ،نامزد ملزمان پٹرول بموں سے لیس تھے جنھوں نے افواج پاکستان کے خلاف نعرے بازی بھی کی۔ملزمان نے جی ایچ کیو کی عمارت کے شیشے بھی توڑے دوسری طرف مجموعی طور پر پی ٹی آئی کارکنوں کے خلاف سات مقدمات کا اندراج کیا گیا،مقدمات میں ایک سو نوے ارکان کو گرفتار کیا گیا جن۔میں سے باون کو عدالتی احکامات پر اڈیالہ جیل بھجوایا گیا ہے جبکہ توڑ پھوڑ میں ملوث جو ملزمان کیسز میں نامزد نہیں انہیں نظر بند کرنے کےلئے کارروائی کا آغاز کر دیا گیا ہے |