پی آٹی آئی رہنماٗ اسد عمر کو پولیس نے گرفتار کر لیا |
|
بدھ 10 مئی 2023ء | |
ابتدائی تفصیلات کے مطابق پاکستان تحریک انصاف کے رہنما اسد عمر کو اسلام آباد ہائیکورٹ کے قریب سے حراست میں لیا گیا،پی ٹی آئی رہنما اسد عمر اور شاہ محمود قریشی عمران خان سے ملاقات کےلئے درخواست لیکر اسلام آباد ہائیکورٹ گئے تھے جس میں موقف اختیار کیا گیا تھا کہ انہیں عمران خان سے ملاقات کی اجازت نہیں دی جا رہی اسد عمر درخواست لے کر چیف جسٹس کے کمرہ عدالت کی طرف گئے جس کےبعد وہ اسلام آباد ہائیکورٹ بار ایسوسی ایشن کے قریب لائبریری میں پہنچے جہاں سے باہر نکلنے پر اسلام آباد پولیس نے اسد عمر کو گرفتار کرلیا۔ تحریک انصاف کے وکلا نے اسد عمر کی گرفتاری پر مزاحمت کی کوشش کی جس پر پولیس اور وکلا کے درمیان دھکم پیل بھی ہوئی اور اہلکار اسد عمر کو لے کر روانہ ہوگئے، واضح رہے کہ گزشتہ روز تحریک انصاف کے چیئرمین عمران خان کو القادر ٹرسٹ کیس میں نیب کے حکم پر گرفتار کیا گیا تھے جس کے بعد احتجاج کے دوران کراچی سے علی زیدی کو حراست میں لیا گیا اور علی الصبح سابق گورنر پنجاب عمر سرفراز چیمہ کو بھی گرفتار کیا گیا، |