اپوزیشن کا احتجاج ،سینیٹ سے حکومت نے سپریم کورٹ فیصلوں اور آرڈر پر نظر ثانی کا بل منظور کرا لیا

سینیٹ کا اجلاس چیئرمین صادق سنجرانی کی صدارت میں شروع ہوا، اجلاس میں ن لیگ کے سینیٹر عرفان صدیقی کی جانب سے ایوان میں سپریم کورٹ فیصلوں اور آرڈر پر نظرثانی بل پیش کیا گیا، جس پر اپوزیشن نے شدید احتجاج کیا اور شور شرابہ کیا گیا،اپوزیشن کی طرف سے چیئرمین ڈائس کا گھیراؤ کیا گیا اورجعلی بل نامنظور، امپورٹڈ حکومت نامنظور کے نعرے بھی لگائے گئے۔ اجلاس میں اپوزیشن کے شور شرابے کے دوران سپریم کورٹ ریویو اینڈ ججمنٹ بل منظور کرلیا گیا۔ بل کے حق میں 32 اور مخالفت میں 21 ووٹ آئے،جس کے بعد سینیٹ کا اجلاس غیر معینہ مدت تک ملتوی کردیا گیا