خالصتان تحریک کے رہنماء امرت پال سنگھ گرفتار

میڈیا رپورٹس کے مطابق بھارتی پنجاب کی پولیس گزشتہ ڈیڑھ ماہ سے خالصتان تحریک کے مرکزی رہنماء امرت پال سنگھ کی گرفتاری کےلئے تلاش میں تھی تاہم اسے مسلسل ناکامی کا سامنا ہے۔لیکن اب بین الاقوامی میڈیا رپورٹس کے مطابق پولیس نے امرت پال سنگھ کو بھارتی پنجاب کے ضلع موگا سے گرفتار کر لیا ہے بھارتی پولیس نے امرت پال سنگھ کی گرفتاری پر شہریوں سے ہر امن رہنے کی اپیل کی ہے تاہم خدشہ ظاہر کیا جا رہا ہے کہ امرت پال کی گرفتاری سے امن وامان کی صورتحال خراب ہو سکتی ہے واضح رہے کہ بھارت میں سکھ علیحدہ ریاست خالصتان کے قیام کی جدو جہد کر رہے ہیں۔ اور اس کےلئے کینیڈا،آسٹریلیا میں ریفرنڈم بھی کروائے گئے جن میں وہاں رہائش پذیر بھارتی نژاد سکھوں نے بڑی تعداد میں حصہ لیا تھا جبکہ برطانیہ میں انڈین ہائی کمشن سے بھارت کا جھنڈا اتار کر سکھوں نے احتجاج کے دوران خالصتان کا جھنڈا بھی لہرا دیا تھا