ضلع خیبر میں سیکیورٹی فورسز کی گاڑی بارودی سرنگ سے ٹکرا گئی،دو اہلکار شہید

آئی ایس پی آر کے مطابق ضلع خیبر کے علاقے باڑہ میں سیکیورٹی فورسز کی گاڑی دیسی ساختہ بارودی مواد سے ٹکرا گئی، آئی ای ڈی دھماکے کے نتیجے میں لوئر دیر کے 37 سالہ نائب صوبیدار حضرت گل اور جنوبی وزیرستان کے 34 سالہ سپاہی نذیر اللہ محسود شہید ہوگئے، علاقے میں کسی بھی ممکنہ دہشت گرد کے خاتمے کے لئے آپریشن بھی کیا گیا، ترجمان کے مطابق سیکیورٹی فورسز دہشت گردی کی لعنت کے خاتمے کے لئے پرعزم ہیں اور فوجی جوانوں کی یہ قربانیاں ہمارے عزم کو مزید مضبوط کرتی ہیں،،