بریگیڈئر مصطفیٰ کمال برکی پورے فوجی اعزاز کے ساتھ سپرد خاک

آئی ایس پی آر کے مطابق جنوبی وزیرستان کے علاقے انگور اڈہ میں دہشت گردوں سے مقابلے کے دوران شہید ہونے والے بریگیڈیئر مصطفی کمال برکی کی نماز جنازہ ریس کورس راولپنڈی میں ادا کر دی گئی، صدر مملکت ڈاکٹر عارف علوی، وزیر اعظم میاں محمد شہباز شریف، چیئرمین جوائنٹ چیفس آف سٹاف کمیٹی جنرل ساحر شمشاد مرزا، چیف آف آرمی سٹاف جنرل سید عاصم منیر، ڈی جی آئی ایس آئی لیفٹیننٹ جنرل ندیم احمد انجم سمیت حاضر سروس اور ریٹائرڈ فوجی افسران و جوانوں، سرکاری افسران، ارکان پارلیمنٹ اور عوام کی بڑی تعداد نے نماز جنازہ میں شرکت کی،جس کے بعد شہید کو پورے فوجی اعزاز کے ساتھ آرمی قبرستان میں سپرد خاک کر دیا گیا، اپنے پورے فوجی کیریئر کے دوران، بریگیڈیئر برکی نے انسداد دہشت گردی کی کارروائیوں میں بڑھ چڑھ کر حصہ لیا، انہوں نے کے پی کے اور بلوچستان میں دہشت گردی کے متعدد نیٹ ورکس کو کامیابی سے ختم کیا جبکہ وہ اے پی ایس حملے میں ملوث دہشت گرد نیٹ ورک کو 2016ء میں ختم کرنے میں بھی شامل تھے، ترجمان کے مطابق پوری قوم ان کی شاندار خدمات اور عظیم قربانی کا اوتراف کرتی ہے، مسلح افواج اور انٹیلی جنس ایجنسیاں دہشت گردی کی لعنت کو ہر قیمت پر ختم کرنے کے پرعزم ہیں، بریگیڈئیر برکی نے 12 اکتوبر 1995 کو پاکستان کی مایہ ناز فرنٹیئر فورس رجمینٹ میں کمیشن حاصل کیا، بریگیڈئیر برکی شہید نے سوگواران میں بیوہ، ایک بیٹا اور ایک بیٹی چھوڑے ہیں،،