توشہ خانہ سے تین سو ڈالر سے زائد مالیت کا تحفہ حاصل کرنے پر پابندی

وفاقی حکومت نے توشہ خانہ کے حوالے سے نئی پالیسی فوری طور پر نافذ کردی ہے جس کے تحت صدر، وزیراعظم ،کابینہ ارکان، ججز ،سول و ملٹری افسران پر تین سو ڈالر سے زائد مالیت کا تحفہ حاصل کرنے پر پابندی عائد کردی گئی ہے ۔ نئی پالیسی کے مطابق صدر، وزیراعظم ،کابینہ ارکان ،ججز ،سول و ملٹری افسران پر تین سو ڈالر سے زائد مالیت کا تحفہ حاصل کرنے پر پابندی ہوگی جبکہ صدر ، وزیراعظم ، کابینہ ارکان ، پر ملکی و غیر ملکی شخصیات سے نقدی بطور تحفہ وصول کرنے پر بھی پابندی عائد ہوگی واضح رہے کہ گزشتہ کچھ عرصے سے توشہ خانہ سے سرکاری افسران اور سیاستدانوں کے ارزاں نرخوں پر تحائف خریدنے کے حوالے سے انکشافات کا سلسلہ جاری تھا جبکہ وفاقی حکومت نے عدالتی حکم پر گزشتہ بائیس سال کا ریکارڈ بھی جاری کیا تھا۔