اسلام آباد ہائیکورٹ کا عمران خان تیرہ مارچ کو سیشن عدالت میں پیش ہونے کا حکم |
|
منگل 07 مارچ 2023ء | |
اسلام آباد ہائی کورٹ کے چیف جسٹس عامر فاروق نے پاکستان تحریک انصاف کے چیئرمین عمران خان کی درخواست پر محفوظ سنادیا اور عمران خان کو سیشن عدالت میں تیرہ مارچ کو پیش ہونے کا حکم جاری کر دیا۔ توشہ خانہ کیس میں عمران خان نے وارنٹ گرفتاری منسوخ کرنے کے لیے اسلام آباد ہائی کورٹ سے رجوع کیا تھا جہاں عمران خان کے وکلا نے چیئرمین پی ٹی آئی کی پیشی کے لیے چار ہفتوں کا وقت دینے کی استدعا کی تھی۔ چیف جسٹس اسلام آباد ہائی کورٹ جسٹس عامر فاروق نے عمران خان کے گرفتاری کے وارنٹ تیرہ مارچ تک معطل کردیے اور تیرہ مارچ کو چیئرمین پی ٹی آئی کو سیشن عدالت میں پیش ہونے کا حکم دیا قبل ازیں توشہ خانہ کیس کی سماعت میں عمران خان ناقابل ضمانت وارنٹ جاری ہونے کے بعد بھی سیشن عدالت میں پیش نہیں ہوئے اور وارنٹ گرفتاری کی معطلی کےلئے اسلام آباد ہائیکورٹ سے رجوع کر لیا تھا |