پلوامہ حملے میں ہلاک ہونے والے سیکیورٹی اہلکاروں کے لواحقین کا احتجاج،مودی سرکار کا بیواؤں پر تشدد

تفصیلات کے مطابق مُودی سرکار کے ہاتھوں پلوامہ میں مرنے والوں کے خاندانوں کی بے حُرمتی کا سلسلہ جاری ہے اور پلوامہ حملے میں مرنے والوں کے خاندان مُودی سرکار کی بے اعتنائی پر سخت نالاں ہے مُودی سرکار نے اپنے محسنوں کے لواحقین کو جے پور کی سڑکوں پر رول ڈالا،پلوامہ حملے میں مارے جانے والے سیکیورٹی اہلکاروں کے لواحقین معاوضے کا مطالبہ لیکر سڑکوں پر آئے تو پولیس نے بیواؤں پر تشدد کیا پلوامہ حملے میں CRPFکے مرنے والے جوانوں کی بیوائیں کئے گئے وعدوں کی تکمیل نہ ہونے پر جے پور میں احتجاج کر رہی تھیں ،بیواؤں کی طرف سے مُودی سرکار کو جان سوزی کی دھمکی بھی دی گئی راجستھان کے شہر جے پور میں بیواؤں کا احتجاج گزشتہ پانچ دنوں سے جاری ہے واضح رہے کہ مُودی سرکار کی طرف سے پلوامہ حملے میں مارے جانے والے جوانوں کے لواحقین کے لئے نقد رقوم، سرکاری نوکریاں اور گھروں کا اعلان کیا گیا تھا لیکن چار سال گُزرنے کے باوجود مُودی سرکار بیواؤں سے کئے گئے وعدوں میں سے ایک بھی نہ نبھا سکی،مُودی سرکار کی بھارت کی خاطر جان دینے والوں کے خاندانوں کی طرف عدم توجہ پر بھارتی افواج میں تشویش کی لہر دوڑ گئی ہے