شاہ رخ خان کی اہلیہ کے خلاف مقدمہ درج

بھارتی میڈیا کے مطابق یہ مقدمہ تعزیرات ہند کی دفعہ چار سو نو کے تحت درج کیا گیا ہے،جو اعتماد کو ٹھیس پہنچانے سے متعلق ہے۔ ممبئی کے شہری جسونت شاہ نے کنگ خان کی اہلیہ پر الزام عائد کیا کہ گوری جس کمپنی کی برانڈ ایمبیسیڈر ہیں، اس کمپنی نے چھیاسی لاکھ روپے وصول کرنے کے باوجود لکھنؤ میں فلیٹ کا قبضہ نہیں دیا۔ جسونت شاہ نے تلسیانی کنسٹرکشن کے چیف ایم ڈی انیل کمار اور ڈائریکٹر مہیش تلسیانی کے خلاف بھی ایف آئی آر درج کرائی ہے،مدعی جسونت شاہ کے مطابق گوری خان نے انہیں فلیٹ خریدنے پر مجبور کیا تھا