بھارت سے کوئی بیک ڈور مذاکرات نہیں ہو رہے،ترجمان دفتر خارجہ |
|
جمعرات 02 مارچ 2023ء | |
وزارت خارجہ میں ہفتہ وار بریفنگ کے دوران ترجمان کا کہنا تھا کہ اٹلی کے ساحل پر کشتی ڈوبنے کے واقعے میں دو پاکستانی جاں بحق ہوئے، سترہ پاکستانیوں کو بچایا لیا گیا، جبکہ دو تاحال لاپتہ ہیں ۔ ترجمان دفتر خارجہ کا کہنا تھا کہ آٹھ مارچ کو وزیر خارجہ بلاول بھٹو زرداری اسلام اور خواتین کے بارے میں کانفرنس میں شرکت کے لیے نیویارک جائیں گے، پاکستان کی طرف سے منعقد کی گئی یہ کانفرنس اقوام متحدہ میں منعقد ہوگی، پاکستان بطور چیئر آف منسٹرز او آئی سی کانفرنس کی میزبانی کرےگا۔ ترجمان دفتر خارجہ نے واضح کیا کہ پاکستان اور بھارت کے درمیان بیک ڈور مذاکرات نہیں ہو رہے، چار سےسات مارچ کو جرمنی کے وزیر خارجہ پاکستان کا دورہ کریں گے۔ ترجمان کا مقبوضہ کشمیر کے حوالے سے کہنا تھا کہ فروری میں بھی مقبوضہ کشمیر میں کشمیریوں پر بھارتی مظالم جاری رہے، دو کشمیریوں کو شہید اور سات کو زخمی کیا گیا، اپنے حقوق کےلیے آواز اٹھانے والوں پرگولیاں چلائی گئیں، چار سو سے زائدکشمیری رہنما، صحافی اور دانشوربھارتی جیلوں میں قید ہیں اٹلی کے ساحل پر کشتی ڈوبنے کے واقعے میں دو پاکستانی جاں بحق ہوئے، سترہ پاکستانیوں کو بچایا گیا، دوتاحال لاپتہ ہیں ۔ |