دہشت گردوں کا حملہ ناکام،سیکیورٹی فورسز کی جوابی کارروائی،آٹھ دہشتگرد مارے گئے |
|
جمعرات 23 فروری 2023ء | |
آئی ایس پی آر کے مطابق بلوچستان کے ضلع کیچ میں سیکیورٹی فورسز کے قافلے پر دہشت گردوں نے گھات لگا کر حملہ کیا، تاہم اہلکاروں کے چوکنا ہونے پر بروقت کارروائی کرکے دہشت گردوں کی بزدلانہ کوشش ناکام بنا دی گئی، سیکیورٹی اہلکاروں نے فرار ہونے والے دہشت گردوں کی تلاش کے لئے فوری طور پر فالو اپ آپریشن بھی شروع کیا، اور مزہبند کے پہاڑی سلسلے میں دہشت گردوں کے مشتبہ ٹھکانے کا پتہ چلایا، جوابی کارروائی کے دوران شدید فائرنگ کے تبادلے میں آٹھ دہشت گرد مارے گئے جبکہ بڑی مقدار میں اسلحہ، گولیاں اور بارود کا بڑا ذخیرہ بھی برآمد کر لیا گیا، سیکیورٹی فورسز نے ملک دشمن عناصر کے مذموم عزائم ناکام بنانے کے عزم کا اظہار کرتے ہوئے واضح کیا کہ صوبے میں بڑی قربانیوں سے حاصل کردہ امن کو تباہ کرنے کی ہر کوشش ناکام بنادیں گے،، |