یہودی بستیوں کی تعمیر،امریکا نے بھی تشویش کا اظہار کر دیا

بین الاقوامی میڈیا کے مطابق انٹونی بلنکن نے اسرائیل کو خبردار کیا کہ اسرائیلی اقدامات سے خطے میں کشیدگی بڑھے گی۔ انٹونی بلنکن کا کہنا تھا کہ امریکا ایسے تمام یکطرفہ اقدامات کا سخت مخالف ہے، جو کشیدگی بڑھانے کا باعث بنیں اور دو ریاستی حل کے امکانات کی راہ میں رکاوٹ بنیں۔ واضح رہے کہ اسرائیل نے مقبوضہ مغربی کنارے کی نو بستیوں کو قانونی حیثیت دینے اور مزید دس ہزار یونٹس کی تعمیر کا اعلان کیا تھا۔