ترکیہ اور شام زلزلہ،جاں بحق افراد کی تعداد اکیس ہزار سے تجاوز کر گئی |
|
جمعه 10 فروری 2023ء | |
تفصیلات کے مطابق ترکیہ اور شام میں آنے والے ہولناک زلزلےکوچار روز گزرنے کے بعد ملبےسے بچوں سمیت کئی افراد کو زندہ نکالاگیا جبکہ گزرتے وقت کے ساتھ مزید افراد کے زندہ نکلنے کی امیدیں دم توڑ رہی ہیں زلزلے سے متاثرہ علاقوں میں اب تک جاں بحق افراد کی تعداد اکیس ہزار سے تجاوز کر چکی ہے اور سردی کی شدت کے باعث امدادی سرگرمیوں میں مشکلات درپیش ہیں ریسکیو عملہ مسلسل خون جما دینے والےموسم میں انسانی جانیں بچانے کی کوشش میں مصروف ہے۔ دوسری طرف اقوام متحدہ کے سیکرٹری جنرل انتونیوگوتیریس کا کہنا ہےکہ امدادی پروگرام کےسربراہ ترکیہ، شام کا دورہ کریں گے، زلزلہ زدہ علاقوں میں لوگوں کوبچانے کے لیے ہرممکن مدد فراہم کرنے کےلئے کوشاں ہیں واضح رہے کہ پاکستان سمیت دنیا کے مختلف ممالک کی امدادی ٹیمیں متاثرہ علاقوں میں ریسکیو اینڈ ریلیف آپریشن میں مصروف ہیں |