سستی بجلی کی پیداوار میں اضافہ،نیپرا نے طویل المدتی منصوبے کی منظوری دے دی |
|
جمعه 03 فروری 2023ء | |
نیپرا کے مطابق سستی بجلی کی پیداوار میں اضافے کے لئے طویل المدتی منصوبے کو آئی جی سیپ کا نام دیا گیا ہے،منصوبہ گرڈ کوڈ دوہزار پانچ کے تحت این ٹی ڈی سی نے نیپرا میں جمع کرایا تھا،دس سالہ طویل المدتی منصوبے کے مطابق ہر سال بجلی کی طلب اور رسد پر سائنسی بنیادوں پر نظر ثانی کی جائے گی اور سستی بجلی کی پیداوار میں اضافہ کیا جائے گا منصوبے کے تحت بجلی کی پیداوار میں اضٓفے کےلئےمقامی وسائل کو ترجیح دی جائے گی اور دو ہزار اکتیس تک فرنس آئل سے بجلی کی پیداوار نہ ہونے کے برابر رہ جائے گی جبکہ ایل این جی سے پیداوار دو فیصد،درآمدی کوئلے سے آٹھ فیصد پیداوار رہ جائے گی،منصوبے کے مطابق ہوا،شمسی اور پن بجلی کی پیداوار میں بتدریج اضافہ کیا جائے گا نیپرا کے مطابق پن بجلی کی پیداوار اٹھائیس فیصد سے بڑھا کر انتالیس فیصد،ہوا سے بجلی ی پیداوار چار سے بڑھا کر دس فیصد اور شمسی توانائی کی پیداوار ایک فیصد سے بڑھا کر دس فیصد کی جائے گی،آئی جی سیپ منصوبے کے مطابق متبادل ذرائع سے بجلی کا حصول انسٹھ فیصد تک ہوجائے گا،منصوبے سے سستی اور ماحول دوست بجلی پیدا ہوسکے گی |