نیوزی لینڈ کے شہر آکلینڈ میں بارشوں سے تباہی،تین افراد ہلاک،ایمرجنسی نافذ

بین الاقوامی میڈیا کے مطابق نیوزی لینڈ کے شہر آکلینڈ میں چوبیس گھنٹوں کے دوران دو سو انچاس ملی میٹر بارش ریکارڈ کی گئی،غیر معمولی بارش سے شہر میں سیلابی کی صورتحال بن گئی ،بارشوں کے باعث تین افراد ہلاک جبکہ ایک لاپتہ ہونے کی اطلاعات ہیں میڈیا رپورٹس کے مطابق غیر معمولی بارش کے باعث آکلینڈ کا ایئر پورٹ بھی پانی میں ڈوب گیا ہے جس کے باعث نیشنل اور انٹرنیشنل فلائٹ آپریشن معطل کردیا گیا ہے اور مسافر ایئر پورٹ پر پھنسے ہوئے ہیں