پنجاب فوڈ اتھارٹی کی مضر صحت دودھ کے حوالے سے کارروائیاں،ایک لاکھ لٹر سے زائد دودھ ضائع کیا گیا

ڈی جی پنجاب فوڈ اتھارٹی کے مطابق صوبہ بھر میں سات ہزارچھ سو تئیس دودھ بردار گاڑیوں اور تین ہزار دو سوستانوے ملک شاپس کو چیک کیا گیا۔ راولپنڈی ریجن میں ایک ہزار تین سو اٹھاون دودھ بردار گاڑیوں کی چیکنگ کی گئی۔صوبہ بھر میں نو سو ایک دودھ بردارگاڑیوں کے سیمپل فیل ہونے پر سخت کارروائی عمل میں لائی گئی۔ ڈی جی پنجاب فوڈ اتھارٹی کے مطابق دودھ میں فیٹ ،قدرتی غذائیت کی کمی اور ممنوعہ اجزاء کی ملاوٹ پائی گئی۔قدرتی اجزاء سے محروم دودھ انسانی جسم میں پیٹ، انتڑیوں اور معدے کی متعدد بیماریوں کا باعث بنتا ہے۔گھروں میں استعمال ہونے والے دودھ مفت ٹیسٹ کروانے کے لیے آج ہی پنجاب فوڈ اتھارٹی کے قریبی دفتر تشریف لائیں۔ معیاری دودھ کی یقینی فراہمی کیلئے لیے جلد بین الاقوامی طرز کا نظام لا رہے ہیں