ڈکیتی کی انوکھی واردات،ڈاکو پولٹری فارم سے پانچ ہزار مرغیاں لے اڑے |
|
جمعه 27 جنوری 2023ء | |
راولپنڈی کے تھانہ جاتلی میں ڈکیتی کی انوکھی واردات ہوئی،ڈاکو پولٹری فارم سے پانچ ہزار مرغیاں لے اڑے،پولٹری فارم کے مالک کی طرف سے پولیس کو دی گئی درخواست کے مطابق ڈاکو تین شہ زور گاڑیاں اور دو موٹر سائیکلوں پر سوار ہوکر پولٹری فارم آئے پولیس کو موصول درخواست کے مطابق ڈکیتی کرنے والے نقاب پوش ڈاکوؤں کی تعداد بارہ تھی،جنھوں نے پولٹری فارم کے مالک اور سٹاف کو واش روم میں بند کیا اور مرغیاں لیکر فرار ہوگئے واضح رہے کہ حالیہ مہنگائی لہر کے باعث جڑواں شہروں میں ڈکیتی اور راہزنی کی وارداتوں میں غیر معمولی اضافہ دیکھنے میں آیا ہے جس سے دونوں شہروں کے باسیوں کو مشکلات کا سامنا ہے۔تاہم پولیس عوام کو ریلیف فراہم کرنے کے حوالے سے قابل ذکر کارکردگی نہیں دکھا سکی |