پاکستان تحریک انصاف کے تینتالیس ارکان قومی اسمبلی کے استعفے منظور |
|
منگل 24 جنوری 2023ء | |
ذرائع کے مطابق اسپیکر قومی اسمبلی راجا پرویز اشرف نے پی ٹی آئی کے مزید تینتالیس ارکان کے استعفے منظور کر لئے ہیں، قومی اسمبلی سیکرٹریٹ کی طرف تینتالیس ارکان کے استعفے کرنے کی سمری الیکشن کمیشن کو موصول ہوچکی ہے جبکہ قومی اسمبلی میں تحریک انصاف کے ٹکٹ پر منتخب ہونے والے منحرف ارکان ہی باقی رہ گئے ہیں،جو اپوزیشن بنچوں پر موجود ہیں۔ واضح رہے کہ کچھ دن قبل بھی اسپیکر قومی اسمبلی راجہ پرویز اشرف نے پی ٹی آئی کے چونتیس اراکین قومی اسمبلی کے استعفے منظور کئے تھے جبکہ عوامی مسلم لیگ کے سربراہ شیخ رشید کا استعفیٰ بھی منظور کیا گیا تھا، بیس جنوری کو مزید پینتیس ارکان کے استعفے منظور کئے گئے تھا جبکہ جولائی دوہزار بائیس میں گیارہ ارکان قومی اسمبلی کے استعفے منظور کئے گئے تھے مزید تینتالیس استعفوں کی منظوری کے بعد مجموعی طور پاکستان تحریک انصاف کے ایک سو بائیس اور شیخ رشید کا ایک استعفیٰ ملا کر ایک سو تئیس اراکین کے استعفے منظور ہو چکے ہیں |