موجودہ حکومت آکشن سے آئی الیکشن سے نہیں،عمران خان

برطانوی نشریاتی ادارے کو انٹرویو میں سابق وزیراعظم عمران خان کا کہنا تھا کہ اس وقت دو مہینے بھی بہت دور لگ رہے ہیں،لیکن میری پیشگوئی ہے کہ حکومت اپریل میں الیکشن کرانے پر مجبور ہوجائے گی۔ ان کا کہنا تھا کہ موجودہ حکومت آکشن سے آئی ہے الیکشن سے نہیں۔ سابق وزیراعظم عمران خان نے کہا کہ اسٹیبلشمنٹ نے پرویز الہی پر پوری کوشش کی کہ وہ ن لیگ کے وزیر اعلی بن جائیں یا وزارت اعلیٰ نہ چھوڑیں مگر انہوں نےہمارے ساتھ وفاداری نبھائی۔ ہمیں وفاداری واپس دینا ہے اور وہ یہ ہے کہ پرویز الہیٰ اور انکے ساتھی پی ٹی آئی میں ضم ہوجائیں اور ہماری پارٹی کا حصہ بن جائیں، سابق وزیراعظم کا کہنا تھا کہ نئے آرمی چیف کے ساتھ کوئی ریلیشن شپ نہیں ہے