ایم کیو ایم اور الیکشن کمیشن میں ٹھن گئی،متحدہ کا بلدیاتی انتخابات کے حوالے سے الیکشن کمیشن کا فیصلہ ماننے سے انکار

متحدہ قومی موومنٹ کی رابطہ کمیٹی کے اجلاس کے بعد سابق وزیر قانون فروغ نسیم نے ایک بار پھر کراچی کے بلدیاتی انتخابات کے حوالے سے ایم کیو ایم کا موقف واضح کیا ان کا کہنا تھا جہاں ایم کیو ایم کا ووٹ بینک تھا ان یونین کونسلز میں ووٹروں کی تعداد میں اضافہ کردیا گی ا اس موقع پر فیصل سبزواری کا کہنا تھا کہ کراچی کی آبادی کے اعداد و شمار کو درست کیا جائے تین کروڑ کی آبادی والے شہر کو ڈیڑھ کروڑ آبادی کا شہر بنانے کی کوشش جاری ہے واضح رہے کہ الیکشن کمیشن نے سندھ حکومت کی استدعا مسترد کرتے ہوئے کراچی اور حیدر آباد میں پندرہ جنوری کو ہی بلدیاتی الیکشن کرانے کا اعلان کیا ہے قبل ازیں ایم کیو ایم کے تمام دھڑے دوبارہ ایک ہوکر ایم کیو ایم پاکستان میں ضم ہوئے تھے اور انہوں نے واضح کیا تھا کہ موجودہ حلقہ بندیاں انہیں قبول نہیں