فرانسیسی سفیر کی وزیر دفاع خواجہ آصف سے ملاقات |
|
پیر 06 مئی 2024ء | |
وزیر دفاع خواجہ محمد آصف سے پاکستان میں فرانس کے سفیر نکولس گیلی کی ملاقات،دوطرفہ امور پر تبادلہ خیال کیا گیا وزارت دفاع کی جانب سے جاری اعلامیے میں کہا گیا ہے کہ ملاقات کے دوران وزیر دفاع نے کا کہنا تھا کہ پاکستان فرانس کے ساتھ اپنے دوطرفہ تعلقات کو بہت اہمیت دیتا ہے۔انہوں نے دونوں ممالک کی مسلح افواج کے درمیان تعاون بڑھانے پر زور دیا۔ اعلامیے کے مطابق وزیر دفاع نے کہا کہ پاک فرانس دوطرفہ تعلقات باہمی احترام کے اصولوں پر مبنی ہیں۔ جبکہ پاکستان خطے میں استحکام اور امن کے لیے پرعزم ہے۔ وزیر دفاع نے دہشت گردی اور انتہا پسندی کے عالمی چیلنجز سے نمٹنے کے لیے پاکستان کے عزم کا اعادہ کیا۔ اعلامیے کے مطابق فرانسیسی سفیر نے علاقائی استحکام میں پاکستان کے کردار کو سراہا اور پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کے عزم کا اظہارکیا۔ |